• ສ້າງມູນຄ່າພິເສດໃຫ້ແກ່ລູກຄ້າ, ພະນັກງານຂອງພວກເຮົາໂດຍຜ່ານຄວາມເປັນຜູ້ນຳທາງການຕະຫຼາດໃນການ ສະໜອງຜະລິດຕະພັນທາງການເງິນ, ການບໍລິການໃໜ່ໆໂດຍການຮັບຮອງແລະປະຕິບັດຕາມຫຼັກການທີ່ສຳຄັນຂອງພວກເຮົາ.

• ເປັນທະນາຄານທີ່ສາມາດປັບຕົວ, ປັບປຸງ, ປ່ຽນແປງ ແລະ ກະກຽມຮັບມືກ່ຽວກັບການແຂ່ງຂັນ, ເສດຖະກິດ ແລະຂໍ້ກຳນົດກົດລະບຽບທີ່ມີການປ່ຽແປງຕະຫຼອດເວລາ.

• ໃຫ້ການບໍລິການທີ່ຖືກຕ້ອງເຊິ່ງລວມເອົາເຕັກໂນໂລຢີທາງການເງິນ, ປະສົບການ ແລະ ການບໍລິການແກ້ໄຂ, ພວກເຮົາຈະເປັນທະນາຄານທີ່ເພິ່ງພໍໃຈທີ່ສຸດໃນປະເທດ ແລະ ເປັນພັນທະມິດທີ່ດີຂອງອົງກອນໃນຕ່າງປະເທດ.

• ເພື່ອເປັນຂົວຕໍ່ໃຫ້ກັບທະນາຄານການເງິນກັບອາຊຽນ ແລະ ອໍານວຍຄວາມສະດວກໃນການເຊື່ອມຕໍ່ທາງດ້ານການເງິນ, ການກະຕຸ້ນການລົງທຶນ, ແລະ ການເຕີບໂຕທາງດ້ານການເງິນໂດຍຜ່ານການພົວພັນແບບໜັ້ນຄົງທີ່ແທ້ຈິງ.

• ມີການພັດທະນາແບບຍືນຍົງໃນໄລຍະຍາວ.

• ຕອບສະໜອງຄວາມຕ້ອງການ: ວິທີການທີ່ພວກເຮົາຕອບສະໜອງຄວາມຕ້ອງການຂອງລູກຄ້າຈະເຮັດໃຫ້ລູກຄ້າມີຄວາມເຊື່ອໝັ້ນໃນຄຳໝັ້ນສັນຍາທີ່ທະນາຄານມີຕໍ່ລູກຄ້າ.

• ມີແນວຄິດສ້າງສັນ: ສຳລັບຜູ້ທີ່ພົບກັບສິ່ງທ້າທາຍຕ່າງໆໃຫ້ມີການຄົ້ນຄິດ ແລະ ເປີດກວ້າງ, ຜູ້ທີ່ມີແນວຄິດ ສ້າງສັນຈະບໍ່ຖືກຈຳກັດໃນສິ່ງເກົ່າໆ ແຕ່ຈະະເປີດກວ້າງໃນດ້ານແນວຄິດທີ່ຈະແກ້ບັນຫາໄປຂ້າງໜ້າ.

• ມີຄວາມກ້າຫານ: ມີຄວາມໝັ້ນໃຈ ແລະ ປະຕິບັດໃນສິ່ງທີ່ຖືກຕ້ອງ.

• ມີຄວາມໄວ້ວາງໃຈ: ຄວາມໄວ້ວາງໃຈແມ່ນສິ່ງທີ່ເປັນພື້ນຖານຂອງທຸກສາຍສຳພັນທີ່ປະສົບຜົນສຳເລັດ.

• ການເຮັດວຽກເປັນທີມງານ: ພວກເຮົາສົ່ງເສີມ ແລະ ສະໜັບສະໜູນພະນັກງານໃຫ້ຮ່ວມກຸ່ມເປັນທີມເພື່ອ ບັນລຸເປົ້າໝາຍສູງສຸດຂອງພວກເຮົາ.

• ທະນາຄານ ເອັສທີ ຈຳກັດ ເຫັນວ່າເສດຖະກິດຈະສືບຕໍ່ຂະຫຍາຍຕົວໂດຍສະເລ່ຍ 6% ອັນເປັນຜົນມາຈາກການຂະຫຍາຍຕົວໃນການສົ່ງອອກໄຟຟ້າ, ຄວາມເຂັ້ມແຂງໃນຂະແໜງການທ່ອງທ່ຽວ ແລະ ການນຳໃຊ້ງົບປະມານທີ່ຫຼາຍຂຶ້ນຂອງລັດຖະບານ ໂດຍສະເພາະແລ້ວແມ່ນການລົງທຶນຂອງພາກລັດ ແລະ ຕ່າງປະເທດເຂົ້າໃນໂຄງການໂຄງລ່າງພື້ນຖານຕົ້ນຕໍຄາດວ່າຈະເພີ່ມຂື້ນ ແລະ ມາດຕະການການກະຕຸ້ນສຳລັບວິສາຫະກິດຂະໜາດນ້ອຍ ແລະ ຂະໜາດກາງທີ່ມີລາຍຮັບຕ່ຳ. ເຖິງຢ່າງໃດກໍຕາມ ສໍາລັບຄ່າໃຊ້ຈ່າຍເຂົ້າໃນເຄຫາສະຖານນັ້ນ ພວກເຮົາກຳລັງຢູ່ພາຍໃຕ້ຄວາມກົດດັນຈາກໜີ້ສິນຂອງຄົວເຮືອນເຖິງແມ່ນວ່າຈະມີແນວໂນ້ມຫຼຸດລົງກໍຕາມ.

ວິໄສທັດຂອງ ທະນາຄານ ເອັສທີ ຈຳກັດ “ແມ່ນເປັນທະນາຄານທີ່ໄດ້ຮັບການຍົກຍ້ອງໃນດ້ານການສ້າງປະສິດທິພາບທາງການເງິນຜ່ານເທັກໂນໂລຢີຕ່າງໆ ແລະ ຄວາມເພິ່ງພໍໃຈຂອງລູກຄ້າໂດຍການປັບປ່ຽນຫລັກການຂອງທະນາຄານ ໃຫ້ເຂົ້າກັບມາດຕະຖານສາກົນ.

ທະນາຄານ ເອັສທີ ຈຳກັດ ຂອງພວກເຮົາມີຄວາມມຸ່ງໝັ້ນໃນການປະຕິບັດຕົນໃຫ້ເປັນແບບຢ່າງໃນຕະຫຼາດການເງິນ ຂອງ ສປປ ລາວ ແລະ ເປັນສ່ວນໜຶ່ງໃນການຂັບເຄື່ອນທາງດ້ານເສດຖະກິດຂອງປະເທດ ໂດຍຜ່ານກິດຈະກໍາຫຼັກຂອງທະນາຄານ, ພວກເຮົາຕ້ອງການຊ່ວຍເຫຼືອປັບປຸງມາດຕະຖານຊີວິດການເປັນຢູ່ຂອງປະຊາຊົນ ໃຫ້ດີຂື້ນເປັນວົງກວ້າງຕໍ່ສັງຄົມລາວ ເນື່ອງຈາກເປັນຖິ່ນຖານທີ່ພວກເຮົາຢູ່, ໃນດ້ານແນວຄວາມຄິດກ່ຽວກັບການສ້າງມູນຄ່າຂອງຜູ້ຖືຮຸ່ນ,ຖ້າຫາກປະເທດຊາດ ປະສົບຜົນສຳເລັດຫຼາຍປານໃດ ທະນາຄານ ເອັສທີ ຈຳກັດ ກໍຈະປະສົບຜົນສຳເລັດຫຼາຍເທົ່ານັ້ນ, ແຕ່ການຂະຫຍາຍຕົວ ໃນໄລຍະຍາວນັ້ນແມ່ນຂື້ນກັບວ່າພວກເຮົາຈະສາມາດບໍລິຫານຄວາມສ່ຽງໄດ້ດີປານໃດ ລວມເຖິງບັນຫາທາງດ້ານ ເສດຖະກິດ-ສັງຄົມ ແລະ ສີ່ງແວດລ້ອມທີ່ສາມາດກີດຂວາງ ຫຼື ສົ່ງຜົນກະທົບຕໍ່ການພັດທະນາແບບຢືນຍົງນັ້ນ.

ທະນາຄານ ເອັສທີ ຈຳກັດ ມີສາຍສຳພັນທີ່ດີອັນຍາວນານກັບລູກຄ້າ, ລັດຖະບານ, ອົງການຈັດຕັ້ງສັງຄົມ ແລະ ອົງການຄຸ້ມຄອງຕ່າງໆ ເຊິ່ງພວກເຮົາໄດ້ສ້າງປະສົບການທາງດ້ານທຸລະກິດຢູ່ຕະຫຼາດຂອງ ສປປ ລາວ ມາເປັນເວລາຫຼາຍ ກວ່າ 10 ປີ. ສາຍສຳພັນດັ່ງກ່າວໄດ້ເຮັດໃຫ້ ທະນາຄານ ເອັສທີ ຈຳກັດ ມີຈຸດຢືນທີ່ເຂັ້ມແຂງໃນການເຮັດວຽກຄຽງຄູ່ ການຮ່ວມງານກັບຫຼາຍພາກສ່ວນຢ່າງມີປະສິດທີຜົນເພື່ອແກ້ໄຂປັບປຸງບັນດາສິ່ງທ້າທາຍທີ່ປະເຊີນໜ້າຢູ່. ບັນຫາດັ່ງກ່າວ ກໍມີທັງຄວາມສ່ຽງ ແລະ ກາລະໂອກາດສຳລັບພວກເຮົາອີກດ້ວຍ.

ພວກເຮົາໄດ້ນຳໃຊ້ການທົດລອງສາມຢ່າງເພື່ອຕັດສິນໃຈວ່າຂົງເຂດໃດທີ່ພວກເຮົາຈະສຸມໃສ:

1. ພວກເຮົາຮັບປະກັນວ່າສິ່ງທີ່ພວກເຮົາເຮັດແມ່ນກ້ຽວຂ້ອງໂດຍກົງກັບຕະຫຼາດທີ່ພວກເຮົາດຳເນີນທຸລະກິດຢູ່.

2. ພວກເຮົາຕ້ອງການນຳໃຊ້ຄວາມສາມາດ ແລະ ໂຄງລ່າງພື້ນຖານຂອງພວກເຮົາເພື່ອສ້າງຄວາມເຂັ້ມແຂງ ແລະ ຄວາມຢືນຍົງໃຫ້ແກ່ເສດຖະກິດຂອງປະເທດເຮົາ, ພວກເຮົາສຸມໃສ່ດ້ານຕ່າງທີ່ພວກເຮົາສາມາດເພີ່ມມູນຄ່າສຳລັບທຸລະກິດ ແລະ ປະເທດຂອງພວກເຮົາ.

ທະນາຄານ ເອັສທີ ຈຳກັດ ແມ່ນໜຶ່ງໃນທະນາຄານທຸລະກິດ ເອກະຊົນລາວເປັນເຈົ້າຂອງ ເຊິ່ງຖືຮຸ້ນ 100% ທະນາຄານ ເອັສທີ ຈຳກັດ ໄດ້ຮັບການສ້າງຕັ້ງຂຶ້ນ ໃນວັນທີ 22 ພຶດສະພາ 2009 ຕາມ ໃບອານຸຍາດ ເລກທີ: 12/ທຫລ ເປັນເວລາ 13 ປີແລ້ວ ແລະ ທະນາຄານຍັງມີການເຕີບໃຫຍ່ຂະຫຍາຍຕົວຢ່າງຕໍ່ເນື່ອງທັງດ້ານສິນເຊື່ອ ແລະ ເງິນຝາກ ໃນປີ 2021.

ເຮົາໄດ້ດໍາເນີນການຕາມຄໍາສັນຍາ ແລະ ຕາມແຜນທີ່ຈະພັດທະນາ ທະນາຄານ ເອັສທີ ໃຫ້ເປັນທະນາຄານຕົ້ນແບບ 1 ໃນ 5 ໃນການປະຕິບັດຕາມຫຼັກການບາເຊິລ II (BASEL II) ຂອງ ທະນາຄານ ແຫ່ງ ສປປ ລາວ ແລະ ມາດຕະຖານການລາຍງານທາງ ດ້ານການເງິນສາກົນ (IFRS) ພາຍໃນປີ 2025 ຫລັງຈາກນີ້ເຮົາຈະສໍາເລັດໄດ້ຈາກການເຮັດໃຫ້ທະນາຄານເຮົາມີຄວາມແຂງແກ່ງທາງດ້ານທຸນທີ່ເກີນກວ່າມາດຕະຖານ ທະນາຄານ ແຫ່ງ ສປປ ລາວກໍາໜນົດໄວ້ ແລະ ການວາງແຜນຍູດທະສາດຂອງທະນາຄານເຮົາ ດ້ວຍນະວັດຕະກໍາທາງການເງິນໃໝ່ໆ ພ້ອມທັງການໃຫ້ບໍລິການທີ່ດີຢ້ຽມເພື່ອເພີ່ມຄວາມເພີ່ງພໍໃຈສູງສຸດຂອງລູກຄ້າ.

ເຮົາໄດ້ກຳນົດແບບຍຸດທະສາດ ແລະ ວັດຖຸປະສົງໃນປີ 2021 ຖືແມ້ວ່າຈະເປັນປີທີ່ໄດ້ຮັບຜົນກະທົບຕໍ່ໂລກລະບາດທົ່ວໂລກ ມີຜົນເຮັດໃຫ້ເກີດຜົນກະທົບຮຸນແຮງທາງດ້ານເສດຖະກິດຂອງປະເທດລາວ, ທາງທະນາຄານ ເອັສທີ ກໍ່ໄດ້ສະແດງຄວາມຮັບຜິດຊອບຕໍ່ສັງຄົມ ແລະ ຊ່ວຍເຫຼືອລຸກຄ້າຂອງເຮົາໂດຍການອອກແບບການຊ່ວຍເຫລືອທາງດ້ານການເງິນໃຫ້ລູກຄ້າທີ່ໄດ້ຮັບຜົນກະທົບຈາກເຫດການຄັ້ງນີ້ ນອກຈາກນີ້ ເຮົາກໍ່ໄດ້ຕັ້ງສໍາຮອງຫຼາຍຂື້ນເພື່ອຮອງຮັບສະຖານະການໂລກລະບາດທີ່ສົ່ງຜົນຕໍ່ເສດຖະກິດໂດຍຕົງນຳທາງທະນາຄານ ເອັສທີ ຈໍາກັດ ໄດ້ຕຽມການດັ່ງຕໍ່ໄປນີ້:

+ ໄດ້ເຊື່ອມຕໍ່ກັບ LAPNET ເພື່ອສະໜັບສະໜຸນການເຮັດທຸລະກຳຂອງລຸກຄ້າລາຍນ້ອຍ ແລະ ລາຍຍ່ອຍ ລະຫວ່າງ ທະນາຄານສາມາຊິກ.

+ ເລີ່ມຂັ້ນແລກຂອງການຈັດຕັ້ງ Digital Banking ໂດຍການສ້າງ ST HUB ການທຸລະກໍາຜ່ານມືຖື ທັງໃນເລື່ອງຂອງທະນາຄານ ແລະ ການຈ່າຍເງິນໃນຊິວິດປະຈໍາວັນຕ່າງໆກັບລູກຄ້າຂອງທະນາຄານຜ່ານມືຖື​.

+ ໄດ້ສ້າງທີມບໍລິການຄວາມສ່ຽງ, ທີມກໍາກັບການດູແລຝອກເງິນ ແລະ KYC ພ້ອມລະບົບການກວດສອບການຟອກເງິນ ລະບົບໃຫ້ຄະແນນຕາມຄວາມສ່ຽງຂອງລູກຄ້າ ( Credit Scorecard ) ປັບຂະບວນການອານຸມັດສິນເຊື່ອ ແລະ ນະໂຍບາຍສິນເຊື່ອ.

+ ການປັບຂະບວນການໂຄງສ້າງ ແລະ ຈັດຕັ້ງການບໍລິການສາຂາ ແລະ ໜ່ວຍບໍລິການໃໝ່ ມີການເພີ່ມປະສິດທິພາບໃນຂະບວນການຕ່າງໆ ເພື່ອສ້າງຄວາມໝັ້ນໃຈ ແລະ ຄວາມເຊື່ອໝັ້ນໃນກຸ່ມລູກຄ້າຂອງເຮົາ ສືບຕໍ່ພັດທະນາບຸກຄະລາກອນຂອງທະນາຄານ.

+ ສ້າງຄວາມສໍາພັນທີ່ດີກັບລຸກຄ້າຕ່າງໆຂອງເຮົາເພື່ອທີ່ຈະເພີ່ມທຸລະກຳ ລະຫວ່າງ ປະເທດເພີ່ມຂື້ນເພື່ອທີ່ຈະກ້າວໄປສູ່ການເປັນຜູ້ໃຫ້ບໍລິການທາງການເງິນໃນພູມມີພາກອາຊຽນຕໍ່ໄປໃນປີ 2022.

ດັ່ງນັ້ນ, ໃນປີນີ້ ທະນາຄານ ເອັສທີ ຈຳກັດ ຈະສືບຕໍ່ພັດທະນາ:

- ປັບປຸງໂຄງສ້າງພາຍໃນທະນາຄານເພື່ອໃຫ້ໄດ້ມາດຕະຖານສາກົນ.

- ພັດທະນາເທັກໂນໂລຢີທາງການເງິນ, ການບໍລິການຜ່ານທາງອອນລາຍ ແລະ Lifestyle Mobile banking, ການບໍລິການ ແລະ ການຈ່າຍເງິນຕ່າງໆຜ່ານ E-Commerce ແລະ ໂຄງສ້າງເທັກໂນໂລຢີໃໝ່ໆ.

- ປັບປຸງການບໍລິການຂອງທະນາຄານລວມເຖິງການນຳໃຊ້ຜົນຕອບຮັບຂອງລຸກຄ້າເພື່ອໃຫ້ລຸກຄ້າເກີດຄວາມເພີ່ງພໍໃຈສູງສຸດ.

- ການປັບອົງກອນຢ່າງຕໍ່ເນື່ອງເພື່ອໃຫ້ທະນາຄານໄດ້ມີການປັບຕົວໃຫ້ເໝາະສົມກັບສະພາບເສດຖະກິດ ແລະ ສັງຄົມທີ່ມີການປ່ຽນແປງຕະຫລອດເວລາ.

- ສືບຕໍ່ພັດທະນາບຸກຄະລາກອນຂອງທະນາຄານ ແລະ ຫາຄົນທີ່ມີຄວາມຮຸ້ຄວາມສາມາດເຂົ້າມາຮ່ວມກັບອົງກອນ.

- ມີການຂະຫຍາຍຜະລິດຕະພັນ ແລະ ບໍລິການໄປຢ່າງທຸລະກິດອື່ນທັງ Retail, SME ແລະ ທຸລະກິດການຄ້າລະຫວ່າງປະເທດ ທັງນີ້ຍັງໄດ້ມີການສົ່ງເສີມການຕະຫຼາດ ຜ່ານສື່ໂຊຊຽວມີເດຍຕ່າງໆເພື່ອໃຫ້ລຸກຄ້າໄດ້ຮັບຮູ້.

- ໄດ້ມີການຈັດໂຄງສ້າງໃນດ້ານຄຸ້ມຄອງຄວາມສ່ຽງຕາມທີ່ທາງທະນາຄານ ແຫ່ງ ສປປ ລາວ ໄດ້ໃຫ້ຂໍ້ກຳນົດມາ.

- ເພີ່ມເຕີມໃນສ່ວນຂອງການເປັນຜູ້ໃຫ້ບໍລິການທາງການເງິນທີ່ຄວບຄຸມທາງການເງິນ ລະຫວ່າງ ປະເທດ (ASEAN) ໂດຍການຕັ້ງໜ່ວຍບໍລິການໃຫ້ຄໍາປຶກສາໃນການເຮັດທຸລະກຳລະຫວ່າງປະເທດ.

- ໃນສ່ວນການຮັບຜິດຊອບຕໍ່ສັງຄົມ ( Corporate Social Responsibility ) CSR, ທາງທະນາຄານ ເອັສທີ ກໍ່ໄດ້ສືບຕໍ່ໃນເລື່ອງການສະໜັບສະໜູນສັງຄົມໃນດ້ານຕ່າງໆເຊັ່ນ: ການຮັບນັກສຶກສາຝຶກງານ, ອອກຜະລິດຕະພັັນເພື່ອຊ່ວຍພັດທະນາປະເທດ ST STAY ແລະ ຜະລິດຕະພັນອື່ນໆໃນອານາຄົດເຊັ່ນ: ສິນເຊື່ອເພື່ອການສຶກສາເພື່ອລົງທຶນ ແລະ ເພື່ອຄອບຄົວ.