ລາຍລະອຽດມີດັ່ງນີ້:

1. ສະກຸນເງິນທີ່ໃຫ້ກູ້ຢືມ:

• ສິນເຊື່ອເພື່ອທີ່ຢູ່ອາໄສໃຫ້ກູ້ຢືມເປັນສະກຸນເງິນກີບ ຫຼື ຂື້ນຂຶ້ນກັບການພິຈາລະນາຕົວຈິງຂອງຄະນະກໍາມະການສະພາສິນເຊື່ອ ທະນາຄານ ເອັສທີ ຈຳກັດ ກໍລະນີທີ່ເປັນສະກຸນເງິນຕາຕ່າງປະເທດ.

2. ໄລຍະເວລາໃນການກູ້ຢືມ:

• ໄລຍະເວລາໃນການກູ້ຢືມຕໍ່າສຸດແມ່ນ 01 ປີ ແລະ ສູງສຸດບໍ່ເກີນ 25 ປີ.
• ໄລຍະເວລາໃນການກູ້ຢືມບໍ່ເກີນ 05 ປີ ໃນກໍລະນີຕໍ່ເຕີມເຮືອນ ຫຼື ສ້ອມແປງເຮືອນ.
• ໄລຍະເວລາໃນການກູ້ຢືມ 1-25 ປີ ໃນກໍລະນີຊື້ຫ້ອງແຖວ (Shop House), ກໍ່ສ້າງເຮືອນ ຫຼື ຊື້ທີ່ດິນ ພ້ອມເຮືອນ.
• ໝາຍເຫດ: ກໍລະນີຕໍ່ເຕີມບ້ານ ຫຼື ສ້ອມແປງບ້ານແມ່ນລູກຄ້າຕ້ອງຊື້ປະກັນອັກຄີໄພ ແລະ ຖ້າກໍລະນີກູ້ຢືມເພື່ອຊື້ເຮືອນ ຫຼື ກໍ່ສ້າງເຮືອນໃນໄລຍະເວລາ 15 – 25 ປີ ແມ່ນລູກຄ້າຕ້ອງຊື້ປະກັນຊີວິດ (Credit Life) ພ້ອມດ້ວຍປະກັນອັກຄີໄພ ໂດຍໃສ່ຊື່ຜູ້ຮັບຜົນປະໂຫຍດແມ່ນທະນາຄານ.

3. ອັດຕາດອກເບ້ຍ:

• ອັດຕາດອກເບ້ຍແມ່ນອີງຕາມຂໍ້ຕົກລົງຂອງຄະນະອໍານວຍການ ທະນາຄານ ເອັສທີ ຈຳກັດ ໃນແຕ່ລະໄລຍະ.

4. ວົງເງິນອະນຸມັດ:

• ວົງເງິນອະນຸມັດ ຕ່ຳສຸດ 100,000,000 ກີບ (ໜຶ່ງຮ້ອຍລ້ານກີບຖ້ວນ) ແລະ ສູງສຸດບໍ່ເກີນ 1,300,000,000 ກີບ (ໜຶ່ງຕື້ສາມຮ້ອຍລ້ານກີບຖ້ວນ ຫຼື ທຽບເທົ່າ).
• ໃນກໍລະນີສ້ອມແປງເຮືອນ, ຕໍ່ເຕີມເຮືອນ ວົງເງິນຕ່ຳສຸດ 60,000,000 ກີບ ແລະ ບໍ່ເກີນ 150,000,000 ກີບ.
• ໃນກໍລະນີຊື້ທີ່ດິນພ້ອມເຮືອນ ຫຼື ປຸກສ້າງເຮືອນແມ່ນຈະໄດ້ 70% ຂອງມູນຄ່າທັງໝົດ.
• ອີງໃສ່ຄວາມສາມາດໃນການຊຳລະໜີ້ (DSR) ແມ່ນບໍ່ໃຫ້ເກີນ 65% ຂອງລາຍຮັບທັງໝົດ.
• ອີງຕາມການພິຈາລະນາເຫັນດີຂອງຄະນະກໍາມະການສະພາສິນເຊື່ອ.

5. ການຖອນເງິນກູ້ຢືມ:

• ລູກຄ້າສາມາດຖອນເງິນກູ້ທັງໝົດໄດ້ຄັ້ງດຽວໃນກໍລະນີຊື້ທີ່ດິນພ້ອມບ້ານທີ່ສ້າງສໍາເລັດແລ້ວ 100%.
• ໃນກໍລະນີແບ່ງຖອນຫຼາຍຄັ້ງແມ່ນອີງຕາມງວດການຊໍາລະ ແລະ ແຜນການປຸກສ້າງຕາມແຕ່ລະໄລຍະ.
• ໃຫ້ປະກອບເອກະສານການນຳໃຊ້ເງິນກູ້ໃນການເບີກຖອນເງິນໃນກໍລະນີກໍ່ສ້າງບ້ານ ຫຼື ຕໍ່ເຕີມບ້ານ.
• ທຸກການເບີກຖອນເງິນແມ່ນຕ້ອງປະກອບເອກະສານເຊັ່ນ: ແຜນການນໍາໃຊ້ເງິນກູ້, ໃບສະເໜີລາຄາ, ໃບຮຽກເກັບ ຫຼື ອື່ນໆ.

6. ເງື່ອນໄຂໃນການຊຳລະ:

• ອີງຕາມການສະເໜີ ແລະ ການອະນຸມັດຂອງຄະນະກຳມະການສະພາສິນເຊື່ອ ແລະ ປະທານສະພາບໍລິຫານເທົ່ານັ້ນ
• ການຊຳລະເງິນກູ້ຄືນໃຫ້ທະນາຄານແມ່ນອີງຕາມສະກຸນເງິນທີ່ກູ້ຢືມໃນເບື້ອງຕົ້ນ ໂດຍຕ້ອງຊຳລະທັງຕົ້ນທຶນ ແລະ ດອກເບ້ຍພ້ອມກັນທຸກໆເດືອນ ຫຼື ເງື່ອນໄຂອື່ນໆຕາມການຕົກລົງເຫັນດີຈາກຄະນະກຳມະການສະພາສິນເຊື່ອ.

ລາຍລະອຽດມີດັ່ງນີ້:

• ລູກຄ້າຕ້ອງໃຊ້ເງິນກູ້ສໍາລັບທີ່ດິນພ້ອມສິິ່ງປຸກສ້າງ ຫຼື ມີທີ່ດິນເປັນຂອງຕົນເອງແລ້ວຕ້ອງການປຸກສ້າງໃສ່ ຫຼື ເພື່ອສ້ອມແປງທີ່ຢູ່ເທົ່ານັ້ນ.
• ຕະຫລອດໄລຍະເວລາໃນການປະຕິບັດສັນຍາກູ້ຢືມ ທີ່ດິນ ຫຼື ຫຼັກຊັບແມ່ນຍັງເປັນກຳມະສິດຂອງ ທະນາຄານ ເອັສທີ ຈຳກັດ ຈົນກວ່າລູກຄ້າຈະປະຕິບັດພັນທະ, ຂໍ້ກຳນົດ ຫຼື ເງື່ອນໄຂທີ່ໄດ້ກຳນົດໄວ້ໃນສັນຍາການກູ້ຢືມສຳເລັດລົງ.
• ຕະຫລອດໄລຍະເວລາໃນການປະຕິບັດສັນຍາກູ້ຢືມລູກຄ້າບໍ່ມີສິດຂາຍ, ມອບໂອນ ຫຼື ແລກປ່ຽນຊັບສິນ ທີ່ຍັງເປັນ ຫຼັກຊັບຄ້ຳປະກັນກັບ ທອທ ໃຫ້ຄົນອື່ນຈົນກວ່າລູກຄ້າຈະປະຕິບັດພັນທະ, ຂໍ້ກຳນົດ ຫຼື ເງື່ອນໄຂທີ່ໄດ້ກຳນົດໄວ້ໃນສັນຍາການກູ້ຢືມສຳເລັດລົງ, ຍົກເວັ້ນການສະເໜີຂອງລູກຄ້າໄດ້ຮັບການເຫັນດີອະນຸມັດຈາກຄະນະກຳມະການສະພາສິນເຊື່ອແລ້ວ.
• ໃນກໍລະນີທີ່ລູກຄ້ານຳໃຊ້ເງິນກູ້ຢືມບໍ່ຖືກຕ້ອງຕາມຈຸດປະສົງ ຫຼື ເປົ້າໝາຍຕາມທີ່ທະນາຄານໄດ້ກຳນົດໄວ້ ໃນສັນຍາກູ້ຢືມເງິນ, ທອທ ຈະຮຽກເກັບຄືນ ເງິນກູ້ທັງໝົດທີ່ຖອນໄປແລ້ວນັ້ນ (ທັງຕົ້ນທຶນ ແລະ ດອກເບ້ຍ, ພ້ອມທັງຄ່າປັບໄໝການລະເມີດສັນຍາ) ທີ່ໄດ້ຮັບການອະນຸມັດຈາກທະນາຄານ, ລູກຄ້າຕ້ອງນຳເງິນທີ່ຖອນໄປແລ້ວນັ້ນມາຊຳລະຄຶນທັງຕົ້ນທຶນ ແລະ ດອກເບ້ຍ.
• ລູກຄ້າຕ້ອງຊື້ປະກັນໄພທີ່ກ່ຽວຂ້ອງຕາມການກຳນົດຂອງທະນາຄານ ເພື່ອຄຸ້ມຄອງຄວາມສ່ຽງຕ່າງໆທີ່ອາດຈະເກີດ ຂຶ້ນໄດ້ໃນອະນາຄົດ, ລວມທັງມອບໃຫ້ ທອທ ເປັນຜູ້ໄດ້ຮັບຜົນປະໂຫຍດຈາກການປະກັນໄພນັ້ນເຊັ່ນ: ປະກັນອັກຄີ ໄພ, ປະກັນຊີວິດ (ອີງຕາມຂໍ້ກຳນົດສະເພາະສຳລັບເງິນກູ້ທີ່ຢູ່ອາໄສ).
• ກໍລະນີລູກຄ້າເປັນພະນັກງານຂອງ ທະນາຄານ ເອັສທີ ຈຳກັດ ແລະ ພາຍໃນເຄືອ ຂອງບໍລິສັດ ເອັສທີ ກຣຸບ ທີ່ຍັງມີບ້ວງກູ້ຢືມເງິນຢູ່ ແມ່ນຕ້ອງໄດ້ປິດບັນຊີເງິນກູ້ບ້ວງເກົ່າເສຍກ່ອນຈຶ່ງສາມາດກູ້ຢືມໄດ້ ແລະ ຂໍ້ກຳນົດ ຫຼື ນະໂຍ ບາຍອື່ນໆ ຂອງພະນັກງານ ແມ່ນໃຫ້ປະຕິບັດຕາມລະບຽບພາຍໃນສະເພາະຂອງ ທະນາຄານ ເອັສທີ ຈຳກັດ ກຳນົດໄວ້.

ລາຍລະອຽດມີດັ່ງນີ້:

• ມີອາຊີບ ແລະ ລາຍຮັບແນ່ນອນທີ່ສາມາດພິສູດໄດ້.
• ຜະລິດຕະພັນນີ້ແມ່ນຜູ້ທີ່ຖືສັນຊາດລາວ ທີ່ມີພູມລຳເນົາທີ່ແນ່ນອນໃນຂອບເຂດ ສປປ ລາວ.
• ມີອາຍຸ 20 ປີ ຂຶ້ນໄປ ແລະ ມີຄວາມຮັບຜິດຊອບຕໍ່ກົດໝາຍຢ່າງເຕັມສ່ວນ.
• ໃນກໍລະນີເປັນພະນັກງານ (ເອກະຊົນ, ລັດວິສາຫະກິດ) ຫຼື ລັດຖະກອນ ຕ້ອງເປັນພະນັກງານສົມບູນຢ່າງໜ້ອຍ 2 ປີ ຂຶ້ນໄປ ແລະ ມີລາຍຮັບລວມຂັ້ນຕ່ຳສຸດ 4,000,000 ກີບ (ສີ່ລ້ານກີບຖ້ວນ).
• ໃນກໍລະນີເປັນເຈົ້າຂອງທຸລະກິດ ຕ້ອງມີການດຳເນີນງານມາແລ້ວຢ່າງໜ້ອຍ 3 ປີຂຶ້ນໄປ.
• ໄລຍະເວລາການຜ່ອນຊຳລະເມື່ອລວມກັບອາຍຸແລ້ວຕ້ອງບໍ່ເກີນ 6 ປີ.
• ໃນກໍລະນີມີຜູ້ກູ້ຮ່ວມຫຼາຍຄົນ ຈະນັບຈາກອາຍຸຂອງຜູ້ກູ້ທີ່ມີອາຍຸນ້ອຍທີ່ສຸດ ແລະ/ຫຼື ເປັນຜູ້ທີ່ມີຄວາມສາມາດໃນການຊຳລະຄືນເປັນຫຼັກ.
• ຜູ້ກູ້ຮ່ວມຕ້ອງມີຄວາມສາມາດໃນການຈ່າຍເງິນກູ້ຮ່ວມກັບຜູ້ກູ້ຫຼັກ ແລະ ບໍ່ສາມາດໃຫ້ຄົນຕ່າງປະເທດກູ້ຮ່ວມນຳໄດ້.
• ຕ້ອງມີບຸກຄົນຄ້ຳປະກັນທີ່ແນ່ນອນ ແລະ ຮັບປະກັນການໃຊ້ແທນໜີ້ສິນໄດ້.
• ມີການປະພຶດທີ່ດີ, ເປັນພົນລະເມືອງດີ, ມີຄວາມຊື່ສັດ, ຈິງໃຈ ແລະ ມີຄວາມຮັບຜິດຊອບສູງ.
• ເປັນບຸກຄົນທີ່ມີຄວາມມຸ້ງໝັ້ນ ແລະ ມີຄວາມຕ້ອງການສ້າງສາພັດທະນາເສດຖະກິດຄອບຄົວ, ຊິວິດການເປັນຢູ່ ແລະ ການດຳເນີນທຸລະກິດໃຫ້ດີຂຶ້ນ.
• ບໍ່ເປັນລູກຄ້າໜີ້ເສຍ ຫຼື ປັບປຸງໂຄງສ້າງ ຈາກສະຖາບັນການເງິນອື່ນໆ ໃນໄລຍະ 2 ປີຄືນຫຼັງ.
• ກໍລະນີທີ່ເປັນພະນັກງານຂອງ ທະນາຄານ ເອັສທີ ຈຳກັດ ແລະ ພາຍໃນເຄືອຂອງ ບໍລິສັດ ເອັສທີ ກຣຸບ ຕ້ອງເປັນພະນັກງານທີ່ມີປະຫວັດການເຮັດວຽກດີ, ມີຄວາມຮັບຜິດຊອບສູງຕໍ່ໜ້າທີ່ວຽກງານ, ມີຄວາມສັດຊື່ບໍລິສຸດ, ມີການພັດທະນາຕົນເອງດີ ແລະ ຕ້ອງເປັນພະນັກງານສົມບູນ 02 ປີ ຂຶ້ນໄປ (ບໍ່ລວມໄລຍະເວລາທົດລອງງານ), ບໍ່ຖືກ ປະຕິບັດວິໄນຮ້າຍແຮງ; (ໝາຍເຫດ: DSR <= 65%).
• ບໍ່ມີພາລະໜີ້ສິນນອກລະບົບ.
• ບໍ່ຖືກສານຕັດສິນລົງໂທດໃນທຸກກໍລະນີ ຫຼື ຖືກຕ້ອງໂທດ-ຄາດໂທດ, ໃນໄລຍະສະເໜີກູ້ກັບ ທອທ.
• ລູກຄ້າທີ່ບໍ່ສາມາດກູ້ໄດ້ແມ່ນລູກຄ້າທີ່ມີທຸລະກິດຕ້ອງຫ້າມ 16 ທຸລະກິດ.

ລາຍລະອຽດມີດັ່ງນີ້:

• ໃບຕາດິນ:ອັດຕາສ່ວນເງິນກູ້ຕໍ່ມູນຄ່າການປະເມີນຫຼັກຊັບຄ້ຳປະກັນ (LTV) 65%.
• ບັນຊີເງິນຝາກ (ທອທ): ອັດຕາສ່ວນເງິນກູ້ຕໍ່ມູນຄ່າຫຼັກຊັບຄ້ຳປະກັນ (LTV) 90%.
• ຫຼັກຊັບທີ່ຊື້ ຫຼື ສ້ອມແປງ-ຕໍ່ເຕີມ ຕາມການສະເໜີກູ້ຢືມກັບ ທອທ ຫຼື ຫຼັກຊັບອື່ນໆຕາມຄວາມເໝາະສົມ ແລະ ຕ້ອງມີບຸກຄົນຄ້ຳປະກັນທີ່ໜ້າເຊື່ອຖືໃນວົງສັງຄົມ.

ລາຍລະອຽດມີດັ່ງນີ້:

• ໃບສະເໜີຂໍກູ້ຢືມເງິນ (ຕາມສຳນັກງານໃຫຍ່, ສາຂາ ແລະ ໜ່ວຍບໍລິການຂອງ ທອທ).

ເອກະສານຂໍ້ມູນສ່ວນຕົວຂອງຜູ້ກູ້ຢືມ:

• ໃບຢັ້ງຢືນພະນັກງານ ແລະ ໃບຢັ້ງຢືນເງິນເດືອນ (ລະບຸຕຳແໜ່ງງານຊັດເຈນ).
• ບັດປະຈຳຕົວ ຫຼື ປຶ້ມສຳມະໂນຄົວ ຫຼື ໜັງສືຜ່ານແດນ Passport (ສະບັບສຳເນົາ).
• ໃບຢັ້ງຢືນທີ່ຢູ່ ພ້ອມຮູບຖ່າຍຕິດໃສ່ (ບໍ່ເກີີນ 3 ເດືອນ)
• ໃບທະບຽນການແຕ່ງງານ/ໃບຢ່າຮ້າງ/ໃບຢັ້ງຢືນຊື່ຈາກບ້ານ (ໃນກໍລະນີທີ່ຊື່ໃນບັດປະຈໍາຕົວ, ໜັງສືຜ່ານແດນ ຫຼື ສໍາມະໂນຄົວບໍ່ຕົງກັນ).
• ເອກະສານສະຫຼຸບລາຍຮັບ-ລາຍຈ່າຍ.
• ແຜນການນຳໃຊ້ເງິນກູ້, ໃບອະນຸຍາດປຸກສ້າງ ແລະ ແບບແຜນການກໍ່ສ້າງ (ຖ້າມີ).
• ເອກະສານກວດສອບ CIB.

ເອກະສານຂໍ້ມູນເພີ່ມເຕີມສຳລັບຜູ້ກູ້ຢືມທີ່ມີທຸລະກິດສ່ວນຕົວ:

• ໃບທະບຽນວິສາຫະກິດ (ສະບັບສຳເນົາ).
• ໃບທະບຽນອາກອນ ທີ່ຍັງບໍ່ໝົດອາຍຸ (ສະບັບສຳເນົາ) ແລະ ໃບຕິດຕາມການເສຍອາກອນ ໄລຍະ 2 ປີຄືນຫຼັງ.
• ໃບອະນຸຍາດດຳເນີນທຸລະກິດ(ສະບັບສຳເນົາ).
• ໃບຢັ້ງຢືນຖານະການເງິນ 24 ເດືອນ ຄືນຫລັງ (Account Statement).

ເອກະສານກ່ຽວກັບຫຼັກຊັບຄ້ຳປະກັນ:

• ໃບຕາດິນ/ທີ່ດິນພ້ອມສິ່ງປຸກສ້າງ (ສະບັບສຳເນົາ).
• ໃບຢັ້ງຢືນການຊື້-ຂາຍກຳມະສິດທີ່ດິນ.
• ໃບອະນຸຍາດການປຸກສ້າງ ແລະ ແບບແຜນກໍ່ສ້າງ (ຖ້າມີ).
• ແຜນທີ່ຕັ້ງຫຼັກຊັບທີ່ນຳມາຄ້ຳປະກັນໂດຍສັງເຂບ.
• ຮູບຖ່າຍຕອນດິນ, ສິ່ງປຸກສ້າງ, ຂອບເຂດທີ່ຕ້ອງການສ້າງສິ່ງປຸກສ້າງຂຶ້ນໃໝ່ ຫຼື ຕໍ່ເຕີມ.
• ເອກະສານອື່ນໆຕາມຄວາມຮຽກຮ້ອງຕ້ອງການຂອງທະນາຄານ.
• ຂໍປະກັນເຮັດສິ່ງປຸກສ້າງ ກັບທາງ ທະນາຄານ ເອັສທີ ຈຳກັດ ຫຼື ປະກັນຊີວິດ.