ຄົ້ນຫາ

    • ບັນຊີເງິນຝາກປະຈຳ

    ບັນຊີເງິນຝາກ

    ຂໍ້ມູນກ່ຽວກັບ

    ບັນຊີເງິນຝາກປະຈຳ

    ເປັນການລົງທຶນທີ່ມີຄວາມສ່ຽງຫນ້ອຍ ແຕ່ມີອັດຕາດອກເບັ້ຍສູງ ແລະ ຍັງເປັນການວາງແຜນຄວາມຕ້ອງການ ດ້ານການເງິນທີ່ດີໃນອະນາຄົດ ຫລື ເພື່ອຄອບຄົວທີ່ທ່ານຮັກ, ດ້ວຍອັດຕາລາຍໄດ້ທີ່ແນ່ນອນກວ່າ ອິງຕາມຊ່ວງໄລຍະກໍານົດເວລາທີ່ທ່ານສາມາດເລືອກເອງໄດ້ ພ້ອມທັງມີຫລາຍຮູບແບບຜະລິດຕະພັນເງິນຝາກທີ່ທ່ານເອງກໍ່ສາມາດເລືອກໄດ້ເຊັ່ນກັນ ບໍ່ວ່າຈະເປັນຝາກແບບໄລຍະສັ້ນ ຫລື ໄລຍະຍາວ ທາງທະນາຄານເອັສທີ ມີການອອກແບບວາງແຜນປະເພດພະລິດຕະພັນມາກໍ່ເພື່ອຕອບທຸກຊ່ອງທາງທີ່ທ່ານລູກຄ້າສະດວກ ແລະ ຕ້ອງການ. ນອກນັ້ນທ່ານຍັງສາມາດໃຊ້ວົງເງິນຝາກປະຈຳທີ່ມີຢູ່ແລ້ວນັ້ນມາເປັນການຢັ້ງຢືນ ຫຼື ຄຳ້ປະກັນເພື່ອຕໍ່ຍອດດ້ານທຸລະກິດ ຫຼື ຂະຫຍາຍກິດຈະການດ້ານການຄ້າ ແລະ ການລົງທຶນດັ່ງນີ້:

    ສະກຸນເງິນຝາກ:

    ທ່ານສາມາດເປິດບັນຊີເງິນຝາກໄດ້ 3 ສະກຸນເງິນ:

    ປະເພດ ກີບ ໂດລາ ບາດ ຈຳນວນເງິນຝາກເບື້ອງຕົ້ນ:
    ກີບ ໂດລາ ບາດ
    3 ເດືອນ 9.70% 1.65% 1.75% 1.000.000,00 150,00 4.000,00
    6 ເດືອນ 10.10% 2.40% 1.75%
    12 ເດືອນ 10.50% 4.75% 2.75%
    24 ເດືອນ 11.00% 5.50% 3.50%
    36 ເດືອນ 11.50% 6.00% 4.25%
    60 ເດືອນ 12.50% 6.75% 4.75%
    24 ເດືອນ ດອກເບ້ຍລ່ວງໜ້າ 10.75% 5.00% 3.00% 10.000.000,00 100.000,00 3.000.000,00
    36 ເດືອນ ດອກເບ້ຍລ່ວງໜ້າ 11.25% 5.50% 3.75%
    48 ເດືອນ ດອກເບ້ຍລ່ວງໜ້າ 11.75% 5.75% 4.00%
    60 ເດືອນ ດອກເບ້ຍລ່ວງໜ້າ 12.25% 6,25% 4,25%
    ອັດຕາດອກເບ້ຍແມ່ນອີງຕາມ ທອທ ປະກາດນຳໃຊ້ໃນແຕ່ລະໄລຍະ

    ຄຸນລັກສະນະ

    ສາມາດໃຊ້ເງິນໃນບັນຊີຂອງທ່ານ ເພື່ອເປັນຫຼັກປະກັນໃນການຂໍສິນເຊື່ອ.

    ດ້ານບັນຊີຝາກປະຈຳ ລູກຄ້າສາມາດເລືອກທີ່ຈະເອົາດອກເບ້ຍກ່ອນລ່ວງຫນ້າ/ເປັນລາຍເດືອນ/ລາຍປີ/ຫລືຄົບກຳນົດ ເຊິ່ງທ່ານລູກຄ້າສາມາດເລືອກໄດ້.

    ສາມາດໃຊ້ເປັນຫຼັກຖານຢັ້ງຢືນເງິນຝາກເພື່ອໄປປະກອບເອກະສານຕ່າງໆໄດ້.

    • ເງື່ອນໄຂໃນການເປີດບັນຊີ

      ລາຍລະອຽດມີດັ່ງນີ້:

      • ຕ້ອງມີອາຍຸ 18 ປີ ຂຶ້ນໄປ….ຖ້າອາຍຸ 18 ປີລົງມາຕ້ອງໄດ້ເປີດຮ່ວມກັບຜູ້ປົກຄອງ.
      • ສຳລັບຄົນລາວ: ຈະຕ້ອງມີບັດປະຈຳຕົວ ຫຼື ປຶ້ມສຳມະໂນຄົວ ຫຼື ຫນັງສືຜ່ານແດນ (Passport) ຢ່າງໃດຢ່າງໜຶ່ງກໍ່ໄດ້ (ທີ່ບໍ່ໝົດອາຍຸ).
      • ສຳລັບຄົນຕ່າງປະເທດ: ຈະຕ້ອງມີບັດຕ່າງດ້າວຖາວອນ, ໜັງສືເດີນທາງ(Passport), ບັດແຮງງານ(ອອກໂດຍກະຊວງແຮງງານ ແລະ ສະຫວັດດີການສັງຄົມ), ໃບອະນຸຍາດພັກເຊົາ ອອກໂດຍກະຊວງປ້ອງກັນຄວາມສະຫງົບ.
      • ຖ້າທ່ານຕ້ອງການເປີດໃນນາມທຸລະກິດ ຈະຕ້ອງມີເອກະສານເພີ່ມເຕີມຄື:
      • ສໍາເນົາໃບທະບຽນທຸລະກິດ.
      • ສຳເນົາໃບອະນຸຍາດດຳເນີນທຸລະກິດ.
      • ສຳເນົາໃບທະບຽນອາກອນ.
      • ບໍ່ມີຄ່າທຳນຽມໃດໆໃນການຂໍເປີດບັນຊີໃໝ່.

    • ວິທີການເປີດບັນຊີ:

      ລາຍລະອຽດມີດັ່ງນີ້:

      • ທ່ານຕ້ອງໄດ້ກະກຽມເອກະສານຢັ້ງຢືນຕາມສະຖານະຂອງທ່ານຂ້າງເທິງນັ້ນໃຫ້ຄົບ.
      • ການເປີດບັນຊີຂັ້ນຕົ້ນແມ່ນ 1,000,000 ກີບ ຫຼື 150 ໂດລາສະຫະລັດ ຫຼື 4,000 ບາດ.
      • ທ່ານສາມາດເຂົ້າໄປເປີດບັນຊີ ກັບທະນາຄານ ເອັສທີຈຳກັດ ທຸກສາຂາ ທີ່ໃກ້ບ້ານທ່ານ ຫລື ບ່ອນທີ່ສະດວກໃນການເດີນທາງ.
      • ຫລັງຈາກນັ້ນພະນັກງານບໍລິການຂອງພວກເຮົາຈະເປັນຜູ້ດຳເນີນການຕ່າງໆໃຫ້ທ່ານທັງໝົດ ມີພຽງແຕ່ທ່ານລໍຖ້າເຊັນ ແລະ ຮັບປຶ້ມເງິນຝາກໄດ້ທັນທີ.

    • ລະບຽບເງິນຝາກ:

      ລາຍລະອຽດມີດັ່ງນີ້:

      • ເຈົ້າຂອງບັນຊີຕ້ອງຮັກສາປຶ້ມເງິນຝາກໄວ້ທີ່ປອດໄພ, ຖ້າປຶ້ມເສຍຫາຍ ຕ້ອງແຈ້ງໃຫ້ທະນາຄານຊາບໂດຍດ່ວນ.
      • ໃນກໍລະນີຂໍອອກຫົວໃໝ່ (ປຶ້ມເປື້ອນ,ຈີກຂາດ ແລະ ເສຍຫາຍ) ທະນາຄານຈະເກັບຄ່າທຳນຽມຕາມລະບຽບທີ່ປະກາດໃຊ້ໃນແຕ່ລະໄລຍະ.
      • ປຶ້ມບັນຊີເງິນຝາກໃຊ້ໄດ້ສະເພາະເຈົ້າຂອງບັນຊີເທົ່ານັ້ນ, ບໍ່ສາມາດປ່ຽນມືໄດ້.
      • ທຸກໆຄັ້ງທີ່ມີການຖອນ ຫຼື ປ່ຽນແປງຂໍ້ມູນໃນບັນຊີເງິນຝາກ ຜູ້ຝາກຕ້ອງໄດ້ເອົາປຶ້ມເງິນຝາກມາພ້ອມທຸກໆຄັ້ງ.
      • ໃນກໍລະນີມີການບັນທຶກຂໍ້ມູນຕົວເລກເງິນຝາກ ຫຼື ຊື່ບັນຊີບໍ່ຖືກ, ຕ້ອງແຈ້ງໃຫ້ເຈົ້າໜ້າທີ່ທະນາຄານຊາບທັນທີ ເພື່ອແກ້ໄຂໃຫ້ຖືກຕ້ອງ.
      • ຖ້າຫາກເຈົ້າຂອງບັນຊີຕ້ອງການປ່ຽນຊື່, ປ່ຽນນາມສະກຸນ ຫຼື ຂໍ້ມູນອື່ນໆ ຕ້ອງແຈ້ງໃຫ້ທະນາຄານຊາບທັນທີ ແລະ ເຂົ້າມາເຮັດທຸລະກຳດັ່ງກ່າວ.
      • ໃນກໍລະນີເຈົ້າຂອງບັນຊີບໍ່ສາມາດມາຖອນເງິນ ຫຼື ປິດບັນຊີດ້ວຍຕົນເອງໄດ້ ຕ້ອງມອບສິດໃຫ້ຜູ້ທີ່ໄວ້ໃຈໄດ້ ຢ່າງເປັນລາຍລັກອັກສອນ ໂດຍຕ້ອງລະບຸເນື້ອໃນໃຫ້ຄົບຖ້ວນເຊັ່ນ: ວັນທີ, ຊື່ຜູ້ຖືກມອບສິດ, ຈຳນວນເງິນທີ່ຕ້ອງການໃຫ້ຖອນ, ຊື່ ແລະ ເລກບັນຊີທີ່ອະນຸຍາດໃຫ້ຖອນ ພ້ອມທັງລາຍເຊັນເຈົ້າຂອງບັນຊີຄົບຖ້ວນຕາມເງື່ອນໄຂທີ່ຝາກໄວ້ກັບ ທະນາຄານ. ນອກນັ້ນເຈົ້າຂອງບັນຊີຈະຕ້ອງມອບປຶ້ມເງິນຝາກ ແລະ ບັດປະຈຳຕົວ ຫຼື Passportໃຫ້ຜູ້ຖືກມອບສິດຖືມາພ້ອມກັບເຊັນກຳກັບໃສ່ບັດພ້ອມ.

    • ໝາຍເຫດ:

      ລາຍລະອຽດມີດັ່ງນີ້:

      • ການຈ່າຍດອກເບ້ຍຂອງບັນຊີຝາກປະຈຳ: ຮັບດອກເບ້ຍເມື່ອຝາກຄົບກຳນົດ, ຮັບດອກເບ້ຍລາຍເດືອນ, ຮັບດອກເບ້ຍລາຍປີ, ຮັບດອກເບ້ຍລ່ວງໜ້າ.
      • ກໍລະນີປິດບັນຊີກ່ອນ 3 ເດືອນ ຈະຄິດໄລ່ຄ່າທຳນຽມ 85,000 ກີບ ຫຼື 350 ບາດ ຫຼື 10 ໂດລາ.