ຄົ້ນຫາ

    • ບັນຊີເງິນຝາກປະຢັດ

    ບັນຊີເງິນຝາກ

    ຂໍ້ມູນກ່ຽວກັບ

    ບັນຊີເງິນຝາກປະຢັດ

    ເປັນບັນຊີທ້ອນເງິນປະເພດໜຶ່ງທີ່ຊ່ວຍທ່ານໃນການທ້ອນເງິນ ເພື່ອຄວາມຕ້ອງການໃຊ້ເງິນຂອງທ່ານໃນອະນາຄົດ ແລະ ເປັນໄດ້ທັງເງິນໝູນໃຊ້ໃນແຕ່ລະວັນກໍ່ໄດ້ໃນເວລາຈຳເປັນ ເຊິ່ງມັນບໍ່ພຽງເປັນການຮັກສາເງິນຂອງທ່ານເທົ່ານັ້ນ ແຕ່ຍັງຊ່ວຍທ່ານທ້ອນເງິນແຕ່ລະມື້ນໍາອີກ. ສະນັ້ນ, ທ່ານບໍ່ຕ້ອງກັງວົນທີ່ຈະຕ້ອງເກັບຮັກສາເງິນໄວ້ກັບໂຕເປັນຈຳນວນຫລາຍເພື່ອເກີດຄວາມສ່ຽງ ແລະ ບໍ່ເກີດປະໂຫຍດໃດໆ ຫຼື ຖືເງິນສົດໄປສະຖານທີ່ຕ່າງໆອີກຕໍ່ໄປ ພ້ອມທັງສ່ຽງທີ່ຈະປະໄວ້ຢູ່ເຮືອນ. ນອກນັ້ນທ່ານຍັງສາມາດທ້ອນເງິນສໍາລັບອະນາຄົດຂອງທ່ານເອງ ແລະ ຄອບຄົວ ໄດ້ຢ່າງເຕັມທີ່ໂດຍໃຫ້ທະນາຄານເຮົາເປັນສ່ວນຫນື່ງໃນການບໍລິຫານຈັດການໃຫ້ ພຽງແຕ່ເປີດບັນຊີເງິນຝາກປະຢັດກັບທະນາຄານ ເອັສທີ ເຮົາກໍ່ໝົດບັນຫາ.

    ສະກຸນເງິນຝາກ:

    ທ່ານສາມາດເປິດບັນຊີເງິນຝາກໄດ້ 3 ສະກຸນເງິນ:

    ອັດຕາດອກເບ້ຍເງິນຝາກຕໍ່ປີ: ຈຳນວນເງິນຝາກເບື້ອງຕົ້ນ:
    ປະເພດເງິນຝາກ: ກີບ ໂດລາ ບາດ ກີບ ໂດລາ ບາດ
    ບັນຊີເງິນຝາກປະຢັດ 1,89% 1,50% 1,50% 100.000,00 20,00 500,00
    ອັດຕາດອກເບ້ຍແມ່ນອີງຕາມ ທອທ ປະກາດນຳໃຊ້ໃນແຕ່ລະໄລຍະ

    ຄຸນລັກສະນະ

    ທ່ານສາມາດຝາກ - ຖອນ ຫຼື ໂອນເງິນລະຫວ່າງບັນຊີ ຫາ ບັນຊີຂອງ ທອທ ໄດ້ແຕ່ລະມື້ຕາມຄວາມຕ້ອງການ ແລະ ໄດ້ທຸກສາຂາ/ໜ່ວຍບໍລິການ ໂດຍຜ່ານປ່ອງບໍລິການຂອງທະນາ ຄານຕາມເວລາທີ່ໃຫ້ບໍລິການ(ສຳນັກງານໃຫ່ຍ ແລະ ບັນດາສາຂາ ວັນຈັນ ຫາ ວັນ ສຸກ, ສ່ວນໜ່ວຍບໍລິການ ວັນຈັນ ຫາ ວັນທິດ. ສຳລັບການຖອນ ຫຼື ໂອນຜ່ານຕູ້ ATM ແມ່ນໃຫ້ບໍລິການ 24 ຊົ່ວໂມງ).

    ທ່ານຈະໄດ້ຮັບດອກເບ້ຍຈາກເງິນຂອງທ່ານໃນແຕ່ລະມື້, ສະສົມໃວ້ໃນບັນຊີ ຍິ່ງຝາກຫຼາຍເທົ່າໃດ ກໍ່ໄດ້ດອກເບ້ຍຫຼາຍເທົ່ານັ້ນ, ທ່ານຈະໄດ້ຮັບດອກເບ້ຍ 2 ຄັ້ງຕໍ່ປີຄື: ທ້າຍເດືອນ 6 ແລະ ທ້າຍດືອນ 12.

    ທ່ານສາມາດຕິດຕາມເບິ່ງເງິນທີ່ຝາກ ຫຼື ໂອນເຂົ້າບັນຊີໃນແຕ່ລະມື້ໄດ້ ໂດຍການກວດສອບເບິ່ງຍອດຜ່ານເຄົາເຕີບໍລິການຕາມວັນເວລາທີ່ໃຫ້ບໍລິການ ຫຼື ຕູ້ ATM ຕະຫຼອດ 24 ຊົ່ວໂມງ.

    ທ່ານສາມາດກໍາຈັດຄວາມສ່ຽງຕ່າງໆກ່ຽວກັບການທີ່ຕ້ອງຮັກສາເງິນສົດຈໍານວນຫຼວງຫຼາຍໂດຍທີບໍ່ມີດອກເບ້ຍໃດໆ ແລະ ຍາກທີ່ຈະແບ່ງສ່ວນໃນການໃຊ້ຈ່າຍຕ່າງໆ.

    • ເງື່ອນໄຂໃນການເປີດບັນຊີ

      ລາຍລະອຽດມີດັ່ງນີ້:

      • ອາຍຸ 18 ປີຂື້ນໄປ: ແມ່ນສາມາດເປີດບັນຊີເປັນຂອງໂຕເອງໄດ້.
      • ອາຍຸ 1-18 ປີລົງມາ: (ຫຼື ຜູ້ທີ່່ອາຍຸ 1-18 ປີ ລົງມາທີມີຊື່ຈົດເຂົ້າໃນສຳມະໂນຄົວ ແລະ ຮູບຕິດພ້ອມກາຈ້ຳຢັ້ງຢືນຢ່າງຖືກຕ້ອງ) ແມ່ນສາມາດເປີດບັນຊີເດັກນ້ອຍ (Minor) ໄດ້ເຊິ່ງຕ້ອງໄດ້ເປີດຮ່ວມກັບຜູ້ປົກຄອງ.
      • ສຳລັບຄົນລາວ: ຈະຕ້ອງໄດ້ມີບັດປະຈຳຕົວ ຫຼື ປື້ມສຳມະໂນຄົວ ຫຼື ໜັງສີຜ່ານແດນ (Passport) ຢ່າງໃຢ່າງໜຶ່ງກໍ່ໄດ້ (ທີ່ບໍ່ໝົດອາຍຸ).
      • ສຳຫຼັບຄົນຕ່າງປະເທດ: ຈະຕ້ອງມີບັດຕ່າງດ້າວຖາວອນ, ໜັງສືຜ່ານແດນ (Passport),ບັດແຮງງານ(ອອກໂດຍກະຊວງແຮງງານ ແລະ ສະຫວັດດີການສັງຄົມ), ໃບອານຸຍາດພັກເຊົາ ອອກໂດຍກະຊວງປ້ອງກັນຄວາມສະຫງົບ.

    • ວິທີການເປີດບັນຊີ:

      ລາຍລະອຽດມີດັ່ງນີ້:

      • ທ່ານຕ້ອງໄດ້ກະກຽມເອກະສານໃດຫນື່ງຕາມຂ້າງເທິງນັ້ນເພື່ອມາປະກອບເຂົ້າໃນການຂໍເປີດບັນຊີໃນເບື້ອງຕົ້ນ ຫລັງຈາກເປີດບັນຊີແລ້ວ ທ່ານສາມາດເອົາເງິນຝາກເຂົ້າໃນບັນຊີໄດ້ເລີຍ ໂດຍມີເງິນຝາກຂັ້ນຕຳ່ແມ່ນ:100,000 ກີບ ຫຼື 20 ໂດລາ ຫຼື 500 ບາດ ເພື່ອຝາກໄວ້ໃນບັນຊີຂອງທ່ານ.
      • ຈາກນັ້ນ, ທ່ານສາມາດເຂົ້າໄປໃຊ້ບໍລິການທຸກທຸລະກຳໄດ້ທີ່ ທະນາຄານ ເອັສທີ ຈຳກັດ ໄດ້ທຸກສາຂາ ທີ່ໃກ້ບ້ານທ່ານໂດຍມີພະນັກງານປະຈຳເຄົາເຕີໄວ້ຄ່ອຍບໍລິການດ້ວຍຄວາມວ່ອງໄວ ຫຼື ບາງທຸລະກຳສາມາດເຮັດຜ່ານຕູ້ ATM ໄດ້.

    • ລະບຽບເງິນຝາກ:

      ລາຍລະອຽດມີດັ່ງນີ້:

      • ເຈົ້າຂອງບັນຊີຕ້ອງຮັກສາປຶ້ມເງິນຝາກໄວ້ທີ່ປອດໄພ, ຖ້າປຶ້ມເສຍຫາຍ ຕ້ອງແຈ້ງໃຫ້ທະນາຄານຊາບໂດຍດ່ວນ.
      • ໃນກໍລະນີຂໍອອກຫົວໃໝ່ (ປຶ້ມເປື້ອນ,ຈີກຂາດ ແລະ ເສຍຫາຍ) ທະນາຄານຈະເກັບຄ່າທຳນຽມຕາມລະບຽບທີ່ປະກາດໃຊ້ໃນແຕ່ລະໄລຍະ.
      • ປຶ້ມບັນຊີເງິນຝາກໃຊ້ໄດ້ສະເພາະເຈົ້າຂອງບັນຊີເທົ່ານັ້ນ, ບໍ່ສາມາດປ່ຽນມືໄດ້.
      • ທຸກໆຄັ້ງທີ່ມີການຖອນ ຫຼື ປ່ຽນແປງຂໍ້ມູນໃນບັນຊີເງິນຝາກ ຜູ້ຝາກຕ້ອງໄດ້ເອົາປຶ້ມເງິນຝາກມາພ້ອມທຸກໆຄັ້ງ.
      • ໃນກໍລະນີມີການບັນທຶກຂໍ້ມູນຕົວເລກເງິນຝາກ ຫຼື ຊື່ບັນຊີບໍ່ຖືກ, ຕ້ອງແຈ້ງໃຫ້ເຈົ້າໜ້າທີ່ທະນາຄານຊາບທັນທີ ເພື່ອແກ້ໄຂໃຫ້ຖືກຕ້ອງ.
      • ຖ້າຫາກເຈົ້າຂອງບັນຊີຕ້ອງການປ່ຽນຊື່, ປ່ຽນນາມສະກຸນ ຫຼື ຂໍ້ມູນອື່ນໆ ຕ້ອງແຈ້ງໃຫ້ທະນາຄານຊາບທັນທີ ແລະ ເຂົ້າມາເຮັດທຸລະກຳດັ່ງກ່າວ.
      • ໃນກໍລະນີເຈົ້າຂອງບັນຊີບໍ່ສາມາດມາຖອນເງິນ ຫຼື ປິດບັນຊີດ້ວຍຕົນເອງໄດ້ ຕ້ອງມອບສິດໃຫ້ຜູ້ທີ່ໄວ້ໃຈໄດ້ ຢ່າງເປັນລາຍລັກອັກສອນ ໂດຍຕ້ອງລະບຸເນື້ອໃນໃຫ້ຄົບຖ້ວນເຊັ່ນ: ວັນທີ, ຊື່ຜູ້ຖືກມອບສິດ, ຈຳນວນເງິນທີ່ຕ້ອງການໃຫ້ຖອນ, ຊື່ ແລະ ເລກບັນຊີທີ່ອະນຸຍາດໃຫ້ຖອນ ພ້ອມທັງລາຍເຊັນເຈົ້າຂອງບັນຊີຄົບຖ້ວນຕາມເງື່ອນໄຂທີ່ຝາກໄວ້ກັບ ທະນາຄານ. ນອກນັ້ນເຈົ້າຂອງບັນຊີຈະຕ້ອງມອບປຶ້ມເງິນຝາກ ແລະ ບັດປະຈຳຕົວ ຫຼື Passportໃຫ້ຜູ້ຖືກມອບສິດຖືມາພ້ອມກັບເຊັນກຳກັບໃສ່ບັດພ້ອມ.
      Open an Account

    • ໝາຍເຫດ:

      ລາຍລະອຽດມີດັ່ງນີ້:

      • ການຈ່າຍດອກເບ້ຍຂອງບັນຊີຝາກປະຢັດແມ່ນທ້າຍເດືອນ 6 ແລະ ເດືອນ 12 ຂອງທຸກໆປີ.
      • ກໍລະນີປິດບັນຊີກ່ອນ 3 ເດືອນ ຈະຄິດໄລ່ຄ່າທຳນຽມ 25,000 ກີບ ຫຼື ທຽບເທົ່າ.
      • ຖ້າຍອດເຫຼືອໃນບັນຊີຕ່ຳກວ່າທີ່ກຳນົດຈະຄິດຄ່າທຳນຽມ 15,000 ກີບ ຫຼື ທຽບເທົ່າ.
      • ບັນຊີທີ່ບໍ່ມີການເຄື່ອນໄຫວທຸກ 12 ເດືອນ ຈະຄິດຄ່າທຳນຽມ 10,000 ກີບ, 1 ໂດລາ ແລະ 40 ບາດ ຕໍ່ປີ.