ຄົ້ນຫາ

    • ໂອນເງິນພາຍໃນປະເທດ

    ໂອນເງິນພາຍໃນປະເທດ

    ຂໍ້ມູນກ່ຽວກັບ

    ໂອນເງິນຜ່ານບັນຊີຫາບັນຊີ:

    • ຄຸນລັກສະນະ:

      ລາຍລະອຽດມີດັ່ງນີ້:

      • ເປັນການບໍລິການໂອນເງິນລະຫວ່າງບັນຊີຫາບັນຊີ ຫຼື ໂອນເງິນຈາກບັນຊີໜື່ງໄປເຂົ້າອີກບັນຊີໜື່ງພາຍໃນເຄືອຂ່າຍຂອງ ທອທ ເຊີ່ງຕອບສະໜອງຄວາມຕ້ອງການຂອງທ່ານເພື່ອໂອນຊຳລະການໃຊ້ຈ່າຍຕ່າງໆເຊັ່ນ: ຄ່າສິນຄ້າ, ຄ່າບໍລິການ, …ອື່ນໆ ແລະ ເປັນການບໍລິການ ໂອນເງິນໃຫ້ກັບຄົນໃນຄອບຄົວ, ຍາດຕິພີ່ນ້ອງ, ໝູ່ເພື່ອນ ຫຼື ບຸກຄົນອື່ນໆ…… ທ່ານ ສາມາດໂອນເງິນເຖິງຜູ້ຮັບປາຍທາງໄດ້ຢ່າງວ່ອງໄວ, ສະດວກ ແລະ ປອດໄພ. ພຽງແຕ່ລະບຸເລກບັນຊີ ແລະ ຊື່ບັນຊີ ຂອງຜູ້ຮັບເງິນໃຫ້ຖືກຕ້ອງ ທ່ານກໍ່ສາມາດໂອນເງິນໄດ້ໃນທັນທີ.

    • ຜົນປະໂຫຍດທີ່ໄດ້ຮັບ:

      ລາຍລະອຽດມີດັ່ງນີ້:

      • ຂັ້ນຕອນການໂອນງ່າຍ ແລະ ສະດວກ, ທ່ານສາມາດໂອນໄດ້ໂດຍຜ່ານໜ້າ Counter ບໍລິການ.
      • ທ່ານສາມາດໂອນເງິນຜ່ານໜ່ວຍບໍລິການ ແລະ ສາຂາທີ່ຢູ່ໃກ້ທ່ານ, ສຳນັກງານໃຫ່ຍ ແລະ ສາຂາ ເປິດໃຫ້ບໍລິການແຕ່ວັນຈັນ ຫາ ວັນສຸກ, ສ່ວນໜ່ວຍບໍລິການແມ່ນແຕ່ວັນຈັນ ຫາ ວັນອາທິດ.
      • ວົງເງິນໃນການໂອນທັງເງິນກີບ, ສະກຸນເງິນບາດ ແລະ ສະກຸນເງິນໂດລາ.
      • ເງິນເຂົ້າບັນຊີຜູ້ຮັບໂອນໄດ້ຢ່າງວ່ອງໄວ.
      • ຮັບປະກັນຄວາມປອດໄພ.
      • ສາມາດໂອນໃນວົງເງິນສູງ.

    • ປະເພດສະກຸນເງິນ:

      ລາຍລະອຽດມີດັ່ງນີ້:

      • ທ່ານສາມາດໂອນເປັນສະກຸນເງິນກີບ, ສະກຸນເງິນບາດ ແລະສະກຸນເງິນໂດລາ.

    • ເງື່ອນໄຂການໃຊ້ບໍລິການ:

      ລາຍລະອຽດມີດັ່ງນີ້:

      • ທ່ານຕ້ອງມີບັນຊີເງິນຝາກປະຢັດ ຫຼື ກະແສລາຍວັນຢູ່ ທອທ.
      • ທ່ານຕ້ອງເປັນເຈົ້າຂອງທີ່ມີສິດສັ່ງຈ່າຍ ຫຼື ໄດ້ຮັບການມອບສິດຈາກເຈົ້າຂອງບັນຊີທີ່ມີສິດສັ່ງຈ່າຍໃນບັນຊີຂອງທ່ານເທົ່ານັ້ນ ພ້ອມດ້ວຍເອກະສານຢັ້ງຢືນເຊັ່ນ: ບັດປະຈຳຕົວ, ສຳມະໂນຄົວ ຫຼື ປື້ມ Passport.
      • ບັນຊີຕ່າງແຂວງເສຍຄ່າທໍານຽມ: LAK 10,000 ກີບ, THB 50 ບາດ, USD 2 ໂດລາ ຕໍ່ລາຍການ.

    • ຂັ້ນຕອນ:

      ລາຍລະອຽດມີດັ່ງນີ້:

      • ກະກຽມເອກະສານຢັ້ງຢືນສະຖານະຂອງທ່ານຕາມຂ້າງເທິງນັ້ນສາກ່ອນ.
      • ທ່ານສາມາດໂອນດ້ວຍການຕັດຈາກບັນຊີຂອງທ່ານ.
      • ທ່ານສາມາດທໍາທຸລະກໍາໄດ້ຕາມປ່ອງບໍລິການຕ່າງໆຂອງທະນາຄານທົ່ວລະບົບ ທອທ.